Навіны

Усе навіны

Літаратурна-дакументальная экспазіцыя “На струнах душы”

23 красавіка 2021 года ў музеі “Беларуская хатка” (філіял Дзяржаўнага музея гісторыі беларускай літаратуры) адбылося адкрыццё літаратурна-дакументальнай экспазіцыі “На струнах душы”, прысвечанай 135-годдзю з дня нараджэння беларускага празаіка і паэта Змітрака Бядулі (Самуіла Яфімавіча Плаўніка).

Падзяка ад выдавецтва "Беларуская Энцыклапедыя імя Петруся Броўкі"

Калектыў Беларускага дзяржаўнага архіва-музея літаратуры і мастацтва атрымаў падзяку ад выдавецтва “Беларуская Энцыклапедыя імя Петруся Броўкі” за прафесіяналізм і актыўны ўдзел у падрыхтоўцы персанальнай энцыклапедыі “Уладзімір Караткевіч”.

Завершана навуковае апісанне фонду № 373 (вопіс № 1) паэта, празаіка, перакладчыка Уладзіміра Паўлава

Дакументы Уладзіміра Андрэевіча Паўлава паступалі ў архіў-музей у 1990 г. і 1993 г. ад яго самаго. У выніку навукова-тэхнічнай апрацоўкі быў складзены вопіс № 1 у колькасці 23 адзінак захоўвання (132 дак.) за [канец 1950-х]–1993 гг.

Выстава "З вышыні вялікага юбілею: Мележу і Шамякіну прысвячаецца"

Да 1 сакавіка 2021 г. у Прэзідэнцкай бібліятэцы Рэспублікі Беларусь працуе выстава “З вышыні вялікага юбілею: Мележу і Шамякіну прысвячаецца” з цыкла “Літаратура ў мастацтве”, прысвечаная 100-годдзю народных пісьменнікаў Беларусі Івана Паўлавіча Мележа і Івана Пятровіча Шамякіна.

Завершана навуковае апісанне фонду № 110 (вопіс № 2) опернай спявачкі, народнай артысткі БССР Валянціны Валчанецкай

Другое паступленне дакументаў В.Валчанецкай у БДАМЛМ адбылося ад Марыі Юр’еўны Валчанецкай (унучкі) у 1985 г. У выніку навуковага апісання быў складзены вопіс № 2, у які ўвайшлі 12 спраў (22 дак.) за 1922-1973 гг.

Завершана навуковае апісанне фонду № 103 (вопіс № 2) опернай спявачкі, заслужанай артысткі БССР Людмілы Ганеставай

Другое паступленне дакументаў Л.Р.Ганеставай у БДАМЛМ адбылося ад яе самой у 1991 г. У выніку навуковага апісання быў складзены вопіс № 2, у які ўвайшлі 33 справы (128 дакументаў) за 1957-1983 гг.

Да 100-годдзя з дня нараджэння народнага пісьменніка Беларусі Івана Мележа

З нагоды 100-гадовага юбілею пісьменніка прапануем Вам пазнаёміцца з некаторымі яго фотаздымкамі, што захоўваюцца ў БДАМЛМ. Іншыя дакументы з асабістага фонду Івана Мележа выкладзены на віртуальнай выставе, размешчанай на нашым сайце ў 2016 г.

“Хто пяром сваім служыць народу…”: выстава да 100-годдзя з дня нараджэння Івана Шамякіна

З канца студзеня 2021 г. у Беларускім дзяржаўным архіве-музеі літаратуры і мастацтва працуе выстава “Хто пяром сваім служыць народу…”, прысвечаная 100-годдзю з дня нараджэння Івана Шамякіна.