Беларускі дзяржаўны архіў-музей літаратуры і мастацтва

У канцэптуальным праекце пра камунікацыю, яе віды і значэнне ў сучасным грамадстве ўдзельнічаюць аўтары, якія працуюць з рознымі мастацкімі формамі, традыцыйнымі і найноўшымі медыя: жывапіс, графіка, фатаграфія, відэа-арт, саўнд-арт, інсталяцыя. Камунікацыя асэнсоўваецца аўтарамі праекта як спосаб перадачы складаных ідэй і пачуццяў, інтэрпрэтацыя падзей ўнутры грамадства і чалавека, а таксама як дыялог з самім сабой, пераадольванне “цяжкасцяў перакладу” ўласна сябе і іншых наўкола. Некаторыя з мастакоў і фатографаў ужо з’яўляюцца фондаўтваральнікамі БДАМЛМ. Архівісты зацікаўлена працуюць над тым, каб новыя формы выяўлення ў сучасным мастацтве з часам станавіліся артэфактамі БДАМЛМ.