Беларускі дзяржаўны архіў-музей літаратуры і мастацтва

Куратар выставы, вядучы архівіст Н.А.Мізон, расказала пра шматграннасць асобы Уладзіміра Сямёнавіча, які працаваў як паэт, празаік, драматург, публіцыст, літаратурны крытык, перакладчык, сцэнарыст. Прадстаўленыя на выставе рукапісы, малюнкі, фотаздымкі, кнігі з аўтографамі, ліставанне з сябрамі і шмат іншага, што захоўваецца ў фондах архіва-музея, уразілі маладых наведвальнікаў і па-новаму адкрылі для іх вядомага пісьменніка, выдатнага паэта і мастака слова Уладзіміра Караткевіча.
Экскурсія ў БДАМЛМ стала для студэнтаў выдатнай магчымасцю не толькі дакрануцца да багатай спадчыны аднаго з найвялікшых творцаў Беларусі, але і ўбачыць, як дбайная праца архівістаў дапамагае захоўваць гісторыю для будучых пакаленняў. Расповяд і паказ дакументаў выклікалі жывую цікавасць і шмат пытанняў, што сведчыць аб значнасці такіх сустрэч для моладзі.