Трыенале маладых мастакоў – гэта фінальны этап рэспубліканскага конкурсу, арганізаванага Нацыянальным цэнтрам сучасных мастацтваў (далей – НЦСМ) пры падтрымцы Міністэрства культуры Рэспублікі Беларусь. Да фінальнай выставы з 200 удзельнікаў дайшло каля 30 аўтараў, чые работы былі прадстаўлены ў НЦСМ.
Асноўныя намінацыі па традыцыі датычыліся лепшых работ у жывапісе, графіцы, скульптуры, манументальным і манументальна-дэкаратыўным мастацтве. Ва ўзнагароджанні пераможцаў прыняў удзел намеснік начальніка галоўнага ўпраўлення дзяржаўных спецыяльных культурных мерапрыемстваў - начальнік упраўлення прафесійнага мастацтва Міністэрства культуры і член журы конкурсу В.В.Зайцаў.
