- Галоўная
- Пра нас
- Навукова-даведачны апарат
- Выставы
- Чытальная зала
- Запыты і паслугі
- Звароты грамадзян і юрыдычных асоб
- Электронны зварот
Сёння, 29 траўня 2023 года, адбыўся агульны сход калектыву Беларускага дзяржаўнага архіва-музея літаратуры і мастацтва. Падчас сустрэчы былі абмеркаваны асноўныя падзеі ў краіне, сфармуляваны задачы на бягучы тыдзень.
25 мая 2023 года ў Беларускім дзяржаўным архіве-музеі літаратуры і мастацтва прайшлі ХХІІІ Узвышаўскія чытанні, прысвечаныя 100-годдзю з часу заснавання літаратурнага аб’яднання «Маладняк». У канферэнцыі ўзялі ўдзел работнікі БДАМЛМ, Дзяржаўнага архіва Магілёўскай вобласці, Цэнтра даследаванняў беларускай культуры, мовы і літаратуры НАН Беларусі, Інстытута гісторыі НАН Беларусі, Нацыянальнай бібліятэкі Беларусі, Мінскай абласной бібліятэкі імя А. С. Пушкіна, Уздзенскай цэнтральнай раённай бібліятэкі імя П. Труса, Літаратурнага музея Максіма Багдановіча, Беларускага дзяржаўнага ўніверсітэта, Беларускага нацыянальнага тэхнічнага ўніверсітэта, літаратуразнаўцы, гісторыкі, краязнаўцы.
Беларускі дзяржаўны архіў-музей літаратуры і мастацтва шчыра віншуе калектыў Беларускага дзяржаўнага архіва навукова-тэхнічнай дакументацыі з 55-годдзем!
Беларускі дзяржаўны архіў-музей літаратуры і мастацтва прадстаўляе віртуальную выставу “Яны былі першымі...” да 90-годдзя Нацыянальнага акадэмічнага Вялікага тэатра оперы і балета Рэспублікі Беларусь.
23 мая 2023 года адбыўся сход калектыву Беларускага дзяржаўнага архіва-музея літаратуры і мастацтва для віншавання з Днём нараджэння галоўнага бухгалтара ўстановы – Ніны Васілеўны Падрэз. Намеснік дырэктара Алена Аляксандраўна Макаранка павіншавала імянінніцу ад імя калектыву, пажадала ёй моцнага здароўя, дабрабыту, яркіх уражанняў і доўгіх гадоў жыцця.
Беларускі дзяржаўны архіў-музей літаратуры і мастацтва далучыўся да міжнароднай акцыі “Ноч музеяў – 2023”.
Беларускі дзяржаўны архіў-музей літаратуры і мастацтва ў рамках віртуальнага выставачнага праекта "Гарады Беларусі", арганізаванага Дэпартаментам па архівах і справаводству Міністэрства юстыцыі Рэспублікі Беларусь, прадстаўляе выставу "Мінск 1960-х гадоў вачыма мастака і архітэктара Івана Мядзведзева".
18 мая 2023 года ў Нацыянальным архіве Рэспублікі Беларусь адбылася ІІ Міжнародная навукова-практычная канферэнцыя “Архіўны дыялог. Архівы пра людзей, людзі ў архівах”. У мерапрыемстве ўзялі ўдзел архівісты, навукоўцы, гісторыкі з Беларусі і Расіі.
Запрашаем 20 мая 2023 года з 18:00 да 23:00 у Літаратурны музей Петруся Броўкі на “Ноч музеяў – 2023: Рытмы”.
15 мая 2023 года ў Дзяржаўным музеі гісторыі беларускай літаратуры адбыўся круглы стол, прымеркаваны да 140-годдзя з дня нараджэння вядомага пісьменніка, класіка прыгодніцкай і навукова-фантастычнай літаратуры Янкі Маўра. У мерапрыемстве ўзялі ўдзел прадстаўнікі музейных, навуковых, адукацыйных, выдавецкіх устаноў, пісьменнікі. Абмяркоўваліся роля і значэнне Янкі Маўра ў літаратуры, пытанні ўшанавання памяці празаіка, папулярызацыі яго творчасці, публікацыі невядомых раней тэкстаў, перспектывы новага навукова каментаванага збору твораў.
13 мая 2023 года, напярэдадні Дня сям’і і ў рамках рэспубліканскай акцыі “Мая сям’я – мая краіна”, у Беларускім дзяржаўным архіве-музеі літаратуры і мастацтва вядучы навуковы супрацоўнік Віктар Жыбуль прачытаў лекцыю “Род. Сям’я. Архівы”.
12 мая 2023 года работнікі Беларускага дзяржаўнага архіва-музея літаратуры і мастацтва наведалі ўрачыстае мерапрыемства, прысвечанае Дню Дзяржаўнага флага, Дзяржаўнага герба і Дзяржаўнага гімна Рэспублікі Беларусь, арганізаванае Дэпартаментам па архівах і справаводству Міністэрства юстыцыі Рэспублікі Беларусь.
14 мая 2023 года ў нашай краіне адзначаецца Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. У гэты дзень прапануем вашай увазе цікавы дакумент са збораў Беларускага дзяржаўнага архіва-музея літаратуры і мастацтва. У фондзе мастака Валянціна Віктаравіча Волкава, аўтара дзяржаўнага герба БССР 1927 і 1938 гадоў, захоўваецца эскіз дзяржаўнага сцяга БССР, якім яго бачыў народны мастак Беларусі.
11 мая 2023 года ў рамках праекта “Пісьменнікі – ураджэнцы роднага краю” ў Уздзенскай цэнтральнай раённай бібліятэцы прайшло літаратурна-музычнае свята “У вянок Песняру”, прысвечанае дню ўшанавання памяці паэта Паўлюка Труса. У мерапрыемстве ўзялі ўдзел пісьменнік, галоўны рэдактар часопіса “Полымя” Віктар Шніп, загадчык аддзела бібліятэказнаўства Мінскай абласной бібліятэкі імя А. С. Пушкіна Таццяна Лаўрык, паэтка, літаратуразнаўца, кандыдат філалагічных навук Аксана Данільчык і вядучы навуковы супрацоўнік Беларускага дзяржаўнага архіва-музея літаратуры і мастацтва Віктар Жыбуль (яго выступленне было прысвечана дакументам П. Труса ў фондах архіва-музея), а таксама супрацоўнікі бібліятэкі на чале з дырэктарам Аксанай Драчан. Саліст раённага Дома культуры Сяргей Прыёмка выканаў “Песню пра Уздзеншчыну”, а навучэнцы раённай гімназіі чыталі ўрыўкі з вершаў Паўлюка Труса, ствараючы сімвалічны букет ад маладога пакалення Уздзеншчыны паэту-земляку.
