Беларускі дзяржаўны архіў-музей літаратуры і мастацтва

9 чэрвеня 2023 года чарговы выпуск радыёперадачы “Дыялогі пра культуру” на канале “Культура” Беларускага радыё быў прысвечаны 63-годдзю Беларускага дзяржаўнага архіва-музея літаратуры і мастацтва. Дырэктар канала Уладзімір Трапянок пагутарыў з вядучым навуковым супрацоўнікам архіва-музея Віктарам Жыбулем.

10 чэрвеня 2023 года, у рамках мерапрыемстваў да 63-годдзя Беларускага дзяржаўнага архіва-музея літаратуры і мастацтва (БДАМЛМ), калектыў установы наведаў Беларускі дзяржаўны музей народнай архітэктуры і побыту – музей пад адкрытым небам, які дэманструе народную, традыцыйную культуру краіны ў адзінстве яе рэгіянальных і лакальных асаблівасцей.