- Галоўная
- Пра нас
- Навукова-даведачны апарат
- Выставы
- Чытальная зала
- Запыты і паслугі
- Звароты грамадзян і юрыдычных асоб
- Электронны зварот
Беларускі дзяржаўны архіў-музей літаратуры і мастацтва, у рамках рэспубліканскай акцыі “Мая сям’я – мая краіна”, запрашае 13 мая на аўтарскую лекцыю Віктара Жыбуля “Род. Сям’я. Архівы”, тэмай якой будуць генеалагічныя даследаванні сямейнага радаводу. На прыкладзе ўласных генеалагічных пошукаў у архівах Беларусі, вядучы навуковы супрацоўнік распавядзе, якім чынам кожны з нас можа правесці ўласныя даследаванні гісторыі сваёй сям’і, прасачыць сваяцкія сувязі і пераемнасць пакаленняў, распавядзе пра свае адкрыцці і знаходкі цікавых дакументаў. Спецыяліст архіва-музея падкажа, як арыентавацца ў генеалагічных крыніцах, даведніках, актах. На лекцыі будуць прадстаўлены ўнікальныя дакументы з фондаў архіва-музея, якія ілюструюць генеалагічныя сувязі вядомых творцаў літаратуры і мастацтва.
6 мая 2023 года ў сталічным Парку Перамогі адбыўся “Забег отважных”, прымеркаваны да святкавання Дня Перамогі.
Беларускі дзяржаўны архіў-музей літаратуры і мастацтва наведаў госць з Волагды – Барыс Валер’евіч Ільін, гісторык тэатра, кандыдат эканамічных навук, дацэнт Валагодскага інстытута права і эканомікі ФСВП Расіі.
Беларускі дзяржаўны архіў-музей літаратуры і мастацтва прапаноўвае вашай увазе віртуальную візітную картку архіва-музея.
Беларускі дзяржаўны архіў-музей літаратуры і мастацтва ў рамках рэспубліканскай акцыі “Мая сям’я – мая краіна”, прымеркаванай да Дня сям’і, да 15 мая 2023 года (ўключна) праводзіць кансультаванне грамадзян аб месцазнаходжанні архіўных дакументаў, якія неабходны для аказання дапамогі па сацыяльных пытаннях.
Дзень Перамогі – свята перамогі над гітлераўскай Германіяй у Вялікай Айчыннай вайне, якое адзначаецца ў нашай краіне 9 мая. Сярод дакументаў Беларускага дзяржаўнага архіва-музея літаратуры і мастацтва захоўваюцца фотаздымкі дзеячаў культуры, якія змагаліся на палях вайны і сустракалі свята Вялікай Перамогі ў Берліне.
5 мая 2023 года работнікі Беларускага дзяржаўнага архіва-музея літаратуры і мастатцва ў складзе аб’яднанай групы Дэпартамента па архівах і справаводству Міністэрства юстыцыі Рэспублікі Беларусь, на чале з Алегам Леанідавічам Воінавым, і прадстаўнікоў рэспубліканскіх архіваў усклалі вянок і кветкі да помніка Невядомаму салдату на Ваенных могілках у Мінску. Сваімі выступленнямі і хвілінай маўчання ўшанавалі памяць савецкіх воінаў, якія загінулі ў часы Другой сусветнай вайны.
4 мая 2023 года работнікі Беларускага дзяржаўнага архіва-музея літаратуры і мастацтва наведалі Нацыянальную кінастудыю “Беларусьфільм”.
4 мая 2023 года Беларускі дзяржаўны архіў-музей літаратуры і мастацтва ў межах рэспубліканскай акцыі “Архівы – школе”, арганізаванай Дэпартаментам па архівах і справаводству Міністэрства юстыцыі Рэспублікі Беларусь, наведалі студэнты 3 курса спецыяльнасці “Бібліятэчна-інфармацыйная дзейнасць” Беларускага дзяржаўнага ўніверсітэта культуры і мастацтваў.
Што робіць нацыю вялікай? Чым вымяраецца яе гераізм, подзьвіг, смеласць? Каго помняць нашчадкі і ворагі, кім ганарацца і ставяць у прыклад суайчыннікі? Тых, хто не скараючыся абставінам, працягвае барацьбу і гэтым змяняе будучыню свайго народа.
3 мая 2023 года адбыўся ўрачысты сход работнікаў Беларускага дзяржаўнага архіва-музея літаратуры і мастацтва, прымеркаваны да Дня Перамогі. Намеснік дырэктара Алена Макаранка распавяла пра падзеі ў краіне і за яе межамі за перыяд з 22 па 29 красавіка 2023 года.
Члены першаснай прафсаюзнай арганізацыі Беларускага дзяржаўнага архіва-музея літаратуры і мастацтва прынялі ўдзел у штогадовым традыцыйным святочным мерапрыемстве, арганізаваным Федэрацыяй прафсаюзаў Беларусі сумесна з абласнымі, раённымі, гарадскімі выканкамамі ў гонар Свята працы – 1 мая. Святочнае мерапрыемства з удзелам працоўных калектываў, працоўных дынастый, лаурэатаў прэміі ФПБ, рэспубліканскіх органаў дзяржаўнага кіравання, грамадскіх арганізацый, ветэранаў працы і прафсаюзнага руху Беларусі праходзіла сёлета ў г. Мінску ў Парке Перамогі. У гонар свята была арганізавана праца шматлікіх інтэрактыўных пляцовак, пунктаў грамадскага харчавання, гульнявыя зоны для дзяцей. Кульмінацыяй мерапрыемства стаў канцэрт з удзелам зорак беларускай эстрады.
1 мая – Дзень міжнароднай салідарнасці працоўных – свята, якое набыло асаблівую папулярнасць за савецкім часам. Сярод дакументаў Беларускага дзяржаўнага архіва-музея літаратуры і мастацтва захоўваюцца фотаздымкі, якія адлюстроўваюць атмасферу першамайскіх дэманстрацый і настрой іх удзельнікаў – вядомых дзеячаў культуры.
28 красавіка 2023 года члены першаснай прафсаюзнай арганізацыі Беларускага дзяржаўнага архіва-музея літаратуры і мастацтва наведалі турыстычны форум “Адкрый Беларусь”, дзе ўсе рэгіёны нашай краіны прадставілі як свае самыя папулярныя, так і раней невядомыя турыстычныя маршруты. У рамках форуму былі атрыманы розныя інфармацыйныя матэрыялы, якія дапамагаюць падабраць экскурсію ці тур выходнага дня па жаданым маршруце. На мерапрыемстве можна было пазнаёміцца з кулінарнымі традыцыямі беларусаў, паўдзельнічаць у дэгустацыі страў нацыянальнай кухні.
