Е. А. Макаранка распавяла пра тое, што яе звязвае з гістарычным факультэтам БДУ, падкрэсліла важнасць і значнасць класічнай адукацыі, якая атрымліваецца на факультэце, пазнаёміла абітурыентаў і іх бацькоў з дзейнасцю архіва-музея, асаблівую ўвагу надала папулярызацыі прафесіі “архівіст”.
Мадэратарамі сустрэчы з'яўляліся дэкан гістарычнага факультэта БДУ, доктар гістарычных навук, прафесар Аляксандр Генадзевіч Каханоўскі, намеснік дэкана па выхаваўчай рабоце гістарычнага факультэта БДУ, кандыдат гістарычных навук, дацэнт Аліна Яўгенаўна Верамейчык, загадчык кафедры гісторыі Беларусі новага і найноўшага часу, намеснік дэкана на грамадскіх пачатках па навуковай рабоце і міжнародным супрацоўніцтве Ганна Іванаўна Маскевіч.
Да правядзення мерапрыемства далучыліся галоўны навуковы супрацоўнік ДУА “Акадэмія адукацыі”, доктар гістарычных навук, прафесар Сцяпан Мікалаевіч Цемушаў, загадчык аддзела інфармацыйна-пошукавых сістэм і аўтаматызаваных архіўных тэхналогій Беларускага дзяржаўнага архіва навукова-тэхнічнай дакументацыі Вольга Канстанцінаўна Цяцернік, навуковы супрацоўнік навукова-фондавага аддзела Нацыянальнага мастацкага музея Рэспублікі Беларусь Дар'я Юр'еўна Латышэвіч.
Правядзенне Адзінага дня адчыненых дзвярэй накіравана на развіццё сістэмы нацыянальнай адукацыі і эфектыўнага выкарыстання кадравага патэнцыялу, садзейнічанне самавызначэнню абітурыентаў у выбары прафесіі, а таксама кадравых патрэбах арганізацый-заказчыкаў кадраў. У ходзе яго правядзення старшакласнікі пазнаёміліся з прадстаўнікамі прыёмных камісій, а таксама патэнцыяльнымі працадаўцамі. Хлопцы змаглі атрымаць інфармацыю аб уступнай кампаніі, новых спецыяльнасцях і спецыфіцы навучання на гістарычным факультэце, а таксама мэтавым прыёме. Акрамя таго, абітурыенты даведаліся аб патэнцыйных месцах працы, дзе змогуць прымяніць будучыя кампетэнцыі і навыкі.
