Напярэдадні восемдзесят першай гадавіны Дня Вялікай Перамогі Беларускі дзяржаўны архіў-музей літаратуры і мастацтва (далей - БДАМЛМ) прадстаўляе віртуальную выставу «Вайна прайшла скрозь іх сэрцы. Памяць аб Другой сусветнай вайне ў творах беларускіх дзеячаў літаратуры і мастацтва, яе ўдзельнікаў». Вайна пакінула рану на сэрцы ўсяго беларускага народа, і кожны ўдзельнік мог бы выказаць гэта па-свойму. Голасам сацыяльнай памяці сучаснага грамадства сталі творчыя дзеячы, у тым ліку тыя, хто прымаў непасрэдны ўдзел у баявых дзеяннях, выконваў на перадавы прафесійныя абавязкі. Іх выказванні, творы і ўспаміны адлюстроўваюць настроі на розных этапах вайны, памяць пра ваенныя гады ў пасляваенны час.
Сярод дзеячаў літаратуры і мастацтва, чые дакументы былі адабраны для выставы, - паэт, журналіст і партызан Міхась Васілёк, будучы народныя паэт і пісьменнікі Аркадзь Куляшоў, Іван Навуменка, Васіль Быкаў, скульптар Сяргей Селіханаў, спявачка Ларыса Александроўская, кінарэжысёр і аператар Мікала Садковіч, паэт, што стаў разведчыкам, Аляксей Зарыцкі і інш.
Віртуальная выстава "Вайна прайшла скрозь іх сэрцы" стваралася не толькі для экспанавання ў інтэрнэце. Работнікі БДАМЛМ прадстаўляюць яе падчас сустрэч з грамадскасцю, на дыялогавых пляцоўках і кіналекторыях. Пазнаёміцца з выставай вы можаце па спасылцы https://bdamlm.by/vystavy/virtualnyya-vystavy/item/5171-vajna-prajshla-skroz-ikh-sertsy-pamyats-ab-drugoj-susvetnaj-vajne-u-tvorakh-belaruskikh-dzeyachau-litaratury-i-mastatstva-yae-udzelnikau
