Дырэктар БДАМЛМ А.А.Макаранка прадставіла ўстанову, распавяла аб асноўных напрамках яго дзейнасці, фондах і магчымасцях узаемадзеяння з маладымі даследчыкамі і творчымі супольнасцямі.
Вядучы архівіст Н.А.Мізон пазнаёміла гасцей з літаратурна‑дакументальнай выставай “Рыцар чалавечага духу”, прысвечанай 95‑годдзю Уладзіміра Караткевіча. Літаратары таксама наведалі сховішча архіва, дзе вядучы архівіст Т.В.Кекелева распавяла пра ўнікальныя дакументы і фонды, звязаныя з творчасцю вядомых беларускіх пісьменнікаў і дзеячаў культуры.
Візіт літаратараў падкрэсліў важнасць жывога дыялогу паміж архіўнай супольнасцю і сучаснымі аўтарамі: архіўныя калекцыі не толькі захоўваюць гістарычную памяць, але і служаць крыніцай натхнення і даследчых тэм для новага пакалення.
