Беларускі дзяржаўны архіў-музей літаратуры і мастацтва

Аляксей Антонавіч нарадзіўся 30 сакавіка 1940 года ў вёсцы Папоўшчына Чэрыкаўскага раёна Магілёўскай вобласці. Скончыў Віцебскі дзяржаўны педагагічны інстытут (мастацка-графічны факультэт), Беларускі дзяржаўны тэатральна-мастацкі інстытут (аддзяленне жывапісу). Яго педагогамі былі мастакі Іван Ахрэмчык і Натан Воранаў. З 1977 года – сябра Беларускага саюза мастакоў. У 1992 годзе ўзнагароджаны медалём Францыска Скарыны за высокія дасягненні ў галіне нацыянальнага адраджэння. Аўтар партрэтаў Міколы Гусоўскага, Францыска Скарыны, Кірылы Тураўскага, Цёткі і інш. Яго працы знаходзяцца ў Нацыянальным мастацкім музеі Рэспублікі Беларусь, у Дырэкцыі выстаў Міністэрства культуры, у Нацыянальным Полацкім гісторыка-культурным музеі-запаведніку, музеях Віцебска, Гродна, Магілёва, Чэрыкава, у Музеі нонкарфармізма і  музеі “Zimmerli Art” (ЗША), прыватных калекцыях.