Анатоль Астрэйка быў проста паэтам, пісьменнікам-сатырыкам, перакладчыкам, драматургам, журналістам. Але сярод кагорты найбольш адораных творчых людзей мінулага стагоддзя ён найперш вылучаўся як паэт-песеннік. З ім працавалі такія вядомыя беларускія кампазітары, як Аляксей Клумаў, Леў Абеліёвіч, Дзмітрый Лукас, Генрых Вагнер і Ісак Любан. Віртуальная выстава апавядае пра гэтае супрацоўніцтва, а таксама адкрывае некаторыя цікавыя факты яго біяграфіі – адносіны з земляком, блізкім суседам і галоўным канкурэнтам, паэтам-песеннікам Адамам Русаком, змену асабістага імя, фіяска ў працы літаратурным чыноўнікам, барацьбу за кватэрнае пытанне – усё тое, што звычайна не паказваецца ў афіцыйных біяграфіях, але што трэба мець на ўвазе.
З віртуальнай выставай можна пазнаёміцца па адрасе https://bdamlm.by/vystavy/virtualnyya-vystavy/item/5307-virtualnaya-vystava-anatol-astrejka-paet-belaruskaj-pesni
