Новая кніга Міхаіла Пазнякова “Мілая мама. Малітва сына» – гэта глыбока асабісты, паэтычны і лірычны зборнік, цалкам прысвечаны вобразу маці і сыноўняй падзякі. Для паэта вобраз маці – гэта “жыццёвая зорка”, арыенцір і крыніца духоўнага багацця. Кніга напоўнена светлым сумам і ўспамінамі аб самым дарагім чалавеку, чый вобраз і напеўны голас застаюцца ў сэрцы назаўжды. Па сваёй танальнасці вершы з гэтага зборніка нагадваюць ціхую і шчырую малітву, якая знаходзіць водгук у кожнага чытача.
Важнай падзеяй вечара стала сустрэча дырэктара БДАМЛМ падчас мерапрыемства з вядомым беларускім музыкантам і кампазітарам, народным артыстам Беларусі Эдуардам Ханком. Падчас цёплай творчай размовы былі дасягнуты папярэднія дамоўленасці аб будучай перадачы асабістых дакументаў і матэрыялаў маэстра на пастаяннае захаванне ў фонды архіва-музея.
